Өөрийн замаар...

Зээ, сайн байцгаана уу. Энэ муу блогоо тоос шороонд дараад алаад хаяцан байна шдээ, хөөрхий. Жил хагас гарангийн дараа хоёр дахь бичлэгээ хийжийнэ хэхэ. Нээх бахархаад байх юм юу байхав. Зарим хүмүүс "блог блог" гэчээд хэрнээ өөрөө ГОЛ гарчдаг өөдгүй гар энтэр гэж хэлжийнэ лээ. Тэр итгэлийг нуга хугалах шиг юм болж байна даа хэхэ (худлаа гэмшсийм шиг санаа алдав :P). Уучлаараааййй нөхдөө :D... Энэ хугацаанд зөндөө л юм боллоо. Ажиллаа, суруулиа төгслөө, янз янзын л агшнуудыг мэдэрлээ. Хүний амьдралын жил гарангийн хугацаа гэдэг бас баялаг түүхтэй өнгөрөх юм даа. Гэж бодлоо л доо, хэдэн бичлэгээрээ блогынхоо эхний бичлэгээс өнөө хүртлэх түүхээ тайлагнадиймуу гэж бодлоо. За тэгж бичих явцад олон сэдвүүдийн санаа орж ирнэ гэдэгт итгэлтэй байна. Хоёр дахь бичлэгээ үүгээр төгсгөе дөө :D

Сайн байцгаана уу, өөрийн блогтоо анхны бичлэгээ нэмэх ийм нэгэн өдөр ингээд ирдгийм байжээ. Анх энэ блог гээчийн талаар Хосоогоос ( бодрол гэж сайтын тухай ярьж байсан байхаа) хоёр жил орчмын өмнө сонсож байсан санагджийна. Тэр үед сонсоод л өнгөрснөөс биш, яг ямар амттай, яадаг эд болохыг нь сайн ойлгож анзаараагүй явж. Өнгөрсөн семистерт манайд "Мэдээллийн системийн үндэс" гэж хичээлийг Интэк компанийн захирал хатагтай Л.Ариунаа багш орсон юм. Багш маань ясны IT-н салбарын хүн, эрч хүчтэй, гялалзсан эмэгтэй. Багш маань хичээлийн цаг дээрээ IT-н чиглэлээр үйл ажиллагаа явуулдаг зарим компанийн захирал, мэргэжилтнүүдийг авчирч уулзуулъя гэхэд бид ч дуртай байв. Хамгийн анхны зочин USI компанийн захирал ноён Буянцогтоо байлаа. Буянцогтоо захирал тэр үед бидэнд outsourcing (offshoring), "Дэлхий хавтгай болж байна" номын талаар болон web2.0, blog-н талаар товчхон ярьж өгсөн юм. Захирал өөрсдийн блог-ийн хаягийг өгч ( buyantsogtoo.blogspot.com , gobigobi.blogspot...