2016-03-02

2016! ямар хурдан байна аа

Он гараад аль хэдийн 3н сар гарчихаж. Гадаа дулаараад, өдөр уртсаад сайхан л байна. Хожуу ч гэсэн хуучин оны дүнэлт шинэ оны зорилтуудаа бичсэн нь дээр санагдаад ороод ирлээ.
2015 он
Өмнө бичсэн жагсаалтын дагуу хариулахад:
- Компани санхүүгийн хувьд бүрэн дүүрэн тогтворжиж амжсангүй. Хямралаасаа ч болсон уу, миний овсгоогүйгээсээ ч тэр үү, ер нь гүрийлтийн байдалтай хэвээр буй.
- За юун хүн цалинжуулах, нэг төсөл дээр тусалсан залууд өглөгтэй явж байгаа
- Тухайн үед явж байсан 2 бүтээгдэхүүн дууссан, түүнээс гадна яг дууссан 1 л бүтээл байгаа юм байна, жижиг сажиг ажил 2,3 байгаа байх.
- Хиймэл дагуул ер нь боломжтой юм билээ, гэхдээ жоохон бодитой харвал хэдэн жилийн дараа л гэхээс, 10000$ илүүчилдэг болчихвол ч асуудалгүй л юм билээ. Энэ бол сэтгэлийн хөөрөл байжээ
- Аикидо ч ёстой ярьсаар байгаад л таарлаа, одоо ч гэсэн ярьсан хэвээр. Ондоо багтаж 3,4 н удаа л бэлтгэл хийсэм байх
- Морин хуур яалаа байз, санадаггүй ээ. 16 оны цагаан сараар лав үргээгээгүй. 15 онд яаснаа санадаггүй ээ.
- Юун хөөмий
- Зааланд харин ч нэг тогтмол тоглосон доо, фитнес дасгал ч овоо хийсэн. усанд харин тогтмол сэлээгүй ээ.
- 2догч орлогын эх үүсвэртэй болоогүй
- Компанийн гадагш хандсан үйл ажиллагааг эхлүүлэх гэж үзсэн, ямар ч байсан сураггүл биш АНУ-руу холбоотой хэвээр байгаа
- Нар салхи үздэг оффист орсоон орсон
- ITPEC-н шалгалт өгөөгүй
- Бясалгал тогтмол хийгээгүй, бүүр хааяа ховорхон л
- Номын орчуулга бодол санаа төдий л явна.
Бүгдийг нь базахад 2015 он туршлага арвинтай жил өнгөрлөө. Борлуулалт сайн хийгээгүй ч төслүүс явах технологийн шийдэл зэрэг юмнууд тогтсон. Найдвартай гэсэн хүмүүс найдваргүй байж болдгийг үзлээ. Хэмжээгээ мэдэхгүй дарга мэт дээрээс загнадаг, өөрийнхөө ажлыг хийж чадахгүй алга болж төсөл нураадаг юм байна. Гэрээгээ сайн хийхгүй бол хаданд хавчуулагдсан халиуны зулзага болдгийг, танилаар дамжуулж хөгийн гартай хийсэн ажил наашаа ч үгүй цаашаа ч үгүй гацдгийг үзлээ үзлээ. Бас хамгийн их нервтсэн жил болсон байх. Ганц бүтсэн юм нь найз охинтойгоо учирсан л байна. Сэлэмдэж эхэлсэн юм байна.
Ер нь зорилтуудаа биелүүлээгүй жил өнгөрчээ.

Энэ жилийн зорилгод ихэнх нь хэвэндээ үлдэх юм шиг байна.

2016 он
- Өөрсдийнхөө сайтуудыг хийх, ЦУ, Т, YB ба LJN
- Ярилцаж байгаа төслүүдээ явуулах, эхний хагаст ямарч байсан 2 ажил байгаа
- Зун эсхүл намар хөдөө явж салхинд гарах
- Сагс тоглох болон бэлтгэл тогтмол хийх
- Санхүүгийн байдлаа сайжруулах
- Өрнүүдээ аль болох дарах
- Номын орчуулгын ажил эхлэх
- Компанийн гадагш хандсан ажил эхлүүлэхийг эрмэлзэх
- Бүжиг, хөгжим эсхүл хөөмийн гэх мэт урлагийн нэгт суралцах
- 5н ном унших
- Чадвал тусдаа гарах
Нээх агаарын зорилт тавихгүйг хичээлээ. 2016 оны аялал өгөөжтэй байх болтугай :D

Read more...

2015-01-04

Шинэ оны мэнд! #2015

Өнгөрсөн жил нэг ч нийтлэл оруулалгүйгээр өнжжээ. Энэ нийтлэлд өнгөрсөн жил ийн тайланг чадах хэмжээгээрээ багтаана аа. Мөн шинэ оны зорилтынхоо талаар одоо бодож буй зүйлсээ тэмдэглэн үлдээхэээр орж ирэв.
2014 он
Он цагийн дараалаар санаж байгаагаараа бичвэл
- Сургуулийнхаа зээлийг төлж дуусгав, цалин бүтнээрээ дансанд орж ирэхэд баяжсан мэт сэтгэгдэл төрөв :p
- АНУ-ын Калифорни, Уашинтон мужуудаар цагаан сар тааруулж аялав, сургууль нэгт найзуудаараа болон удаан уулзаагүй ах нартайгаа болон тэднийхээ гэр бүлийнхэнтэй уулзацгаав.
- Ажлын даатгалтай үеийн боломжоо ашиглан нэг эмчилгээ эхлүүлээд 3н сар нусаа хацартаа наасны эцэст амжилттай дуусгасан. Одоо хэрнэ хяналтын үедээ байгаа ба дахих боломж 1-2%ийн магадлалтай гэхээр бараг л амжилттай явж байгаа гэсэн үг. Энэ тарлийн эмчилгээ дэлхийд тухайн үед бүрэн шийдэгдээгүй байсан ба 2013 оны 12 сард АНУд баталгдсан эмийн ачаар нэлээн өндөр хувьтай эдгээдэг болсон үе таарсан нь маш азтай тохиол байлаа. Ер нь эмчлэгдэхийн тулд хэдэн жил хүлээх байсан зүйлээ өнгөрсөн онд золоор амжуулсан нь амьдралын маань чухал үйл явдлуудын нэг байв.
- Сургуулиа төгслөө, анх гадагшаа явах гэж бараг л өдрийн бодол шөнийн зүүд болсоор 2011 онд анх хилийн дээсийг Япон улсруу давжээ. Тэр үед мастерт ороход ахиад нэг жил хүлээх хэрэгтэл болсон ба миний тэвчээр хүрээгүй тул АНУ-руу мастерийн хөтөлбөрт явсан юм. Сургуулийн тухай өмнөх постуудад халит дурдсан тул уншсан бол бараг л мэдэж байгаа даа, Maharishi University of Management. 9н сарыг кампус дээрээ өнгөрөөж, 15н сар АНУын зах зээлд програмын инженерээр ажилласны дараа сургуулиас авсан зээлээ төлж, мөн 1 хичээлийг кампуст байхдаа шахаж үзсэн маань хугацаанаасаа эрт төгсөн боломжийг олгосон юм. Манай сургуулиар АНУд ирсэн оюүтнууд барагтай бол буцдаггүй ба АНУ-д ажлын байртай, хөөрхөн орлоготой (дундаж америк хүнээс дээгүүр) болдогтой холбоотой. Миний тохиолдолд би анх ирэхдээ нутаг буцах зорилготой ирсэн ба манай сургуулийн Монгол залуучууд "худлаа даа, за яахав цаг нь ирэхээр яахыг нь харж л байя" гэдэг байлаа.
Аа тийм төгсөлт дээр маань багадаа киног нь үзэж дуурайж, мангартаж, алиатдаг байсан Жим Кэрри ирж төгсөлтийн яриа хийсэн нь үнэхээр сайхан болсон. Тэр хүн нэг хэсэг л миний role model байлаа шүү дээ. Сургуулийн маань захирал Беван Моррис "Хөөе, Жим би чамд нэг Монгол оюутнаа танилцуулъя" гээд уулзуулдаг нь бүр янзтай байсан шүү. За гол юмруугаа оръё.
- Анн Арборын оюутнуудын хамт Ниагара хүрхрээ орох аялал хийв, мөн л хүний нэг насандаа заавал очиж үзэх ёстой газар байна лээ. Ер нь төгсөлтийн орчим 1600mile буюу 2500км гаран замыг өөрөө машинаа барин явжээ. Ер нь аялалыг хэрэндээ сайн хийсэн жил байжээ.
- Нутаг буцав. 2014 оны 6-р сар. Аялахад сайхан аялж явж явж байгаад гэртээ ирэх бүр сайхан эдр гээд бясалгал анх заалгахад хэлж байсан үгс бодогдож эдр. Одоо ийшээ явна, тийшээ явна гээд хэсэгтээ үсчээд байхааргүй болоод ирэв.
- Ажил хайсангүй. Харин он удаан жил өөрөө юм эхэлж самарна аа гэснээрээ нэг юм эхлүүлээд авлаа. Одоо гол нь тасарчихгүйхэн шиг явж л байна.
- Аикидо - Япон, АНУд байхад ер нь тасалсангүй, Анн Арборт (АНУ, Мичиган мужийн хот) нэлээн тууштай явлаа, зэрэг ахиулаагүй ч бараг 4,5 семинарт оров, Биранкаи стилийн аикидо нэлээн нухсан. Харин буцаж ирээд хийлгүй байсаар хугацааг баржээ. Одоо хэрнэ дожо хичээллүүлэх заал хайсаар байна, уг нь багштайгаа яриад л байгаам.

Би нэг талаар маш их азтай явсаар ирсэн, сайхан сэтгэлт хүмүүсийн тус үргэлж тус дэмээр дажгүй болоод ирсэн болохоор азтай гэж бодохоос өөр аргагүй. Сургууль дээр байсан залуус нийтэч, тусч, сургуульдаа нэр хүндтэй Монголчууд байсан, дараа ирсэн залуус ч тэр нэрийг бататгасан мундаг залуус ирсэн, сургууль орчмын Америкуудтай аикидогоор дамжуулан нэлээн зузаан нөхөрлөсөн (өвөө нар голдуу) тэд кампуст байх хугацаанд боломжоороо тусламж дэмжлэг үзүүлсэн, ажиллахаар очсон газрын Монголчууд (http://www.mco-michigan.org/) үнэхээр сайхан хүмүүс байлаа. Тэнд мөн л сайхан аикидочин Америк найзуудтай болов.

Зиа ер нь бол онд тавьсан зорилтууд бүгд биелсэндөө. Одоо харин энэ онд нэлээн завгүй пижигнэх хандлагатай байна. Өөрөө бие дааж бизнес хийнэ гэдэг бас хүүхдийн тоглоом биш бололтой, зарим зүйлд шинээр суралцаж байна, мэддэг гэсэн зүйлүүдээ баталгаажүүлж үзэж байна. Ер нь хөгжилтэй сайхан л явж байна.
Яг 2014.10.01енд оффисдоо анх ороод 10.10нд нээлтээ хийснээс хойш ёстой нэг мэдэхэд л он гарчээ. Энэ шинэ оны ихэнх зорилтууд шинэ ажил, бизнестэй маань холбоотой байх болов уу.

2015 онд
- Санхүүгийн хувьд бие даасан хэмжээнд компаниа аваачина.
- Хүн цалинжуулдаг болно.
- Одоо явж байгаа 2 төслөөс гадна, 5н төсөл/бүтээгдэхүүн гараас гаргана. Одоо явж байгаа хурдаар бол үүнээс илүүг амлах нь худлаа ярихтай адил гэсэн мэдрэмж төрж байна.
- Хиймэл дагуул хөөргөнө - тоглоогүй шүү :)
- Аикидо - клуб нээнэ, эсвэл нэгдэнэ
- Цагаан сараар гэрийн жаврыг морин хуураар үргээнэ,
- оны сүүл гэхэд хөөмийн нэг сургалтад явна аа, багшаар заалгаагүй ч бараг л хөөмийлөөд байх шиг байгаам.
- Зааланд сагс тоглохоос гадна, бялдаржуулах дасгал, сэлэлт тогтмол хийж эхлэх
- 2-догч орлогын эх үүсвэртэй болох
- Компанийн үйл ажиллагаанд гадагш хандсан/гадны хамтран ажиллагчтай чиглэлийг нэмж оруулах
- Нар салхи үздэг өрөөнд оффислох
- ITPEC намрын Software Engineering-ийн шалгалт өгөх. Одоогоор Монголоос хүн тэнцээгүй байгаа юм билээ.
- Сурсан бясалгалын техникүүдээ тогтмол хийх, надад сурсан дуулсан зүйл бага ч гэсэн байдгийн уг нь түүнийгээ бүр алдчихгүйхэн шиг бүр зорилго болгоод үргэлжлүүлнэ ээ.
- номын орчуулгыг үзэг нэгт ахан дүүстэйгээн эхлэх.

Зиаа энэ чинь догдлоод нэлээн их юм биччихэв үү дээ, ямартай жилийн дараа өөрийгөө миалж, сайлах нэлээн хэдэн зүйлийг жагсаагаад авлаа. Одоо хэрхэхийг минийн сэтгэлийн чин зориг мэдэх ажгуу.

Шинэ ондоо эрүүл саруул байж, аж жаргал, амжилт бүтээл дүүрэн байхыг та бүхэндээ хүсэн ерөөе!

Хүндэтгэсэн,
Надмидын Гантулга

Read more...

2013-12-01

... my IT around...

Мэдээллийн Технологитой холбоотой бичлэгүүд бичихээр дээр үед нээж байсан. Харин сая нэг юм анхны бичлэг нь орж байна. Доорх линкээр орж сонирхоорой. Би өөрийн хэрэглэдэг програмуудийн жагсаалтыг орууллаа. Та бүхэнд хуваалцах, надад санал болгох зүйл байвал нээлттэй санал солилцохыг хүсье.
http://gantulga-it.blogspot.com/2013/12/blog-post.html

Тусд нь блог хөтлөх нэг газараа бүгдийг нь бичих тал дээр аль оновчтой болохыг боджил байна. :D

Read more...

2013-08-09

2013 сүүлийн хагас

2013 оны зорилготой холбоотойгоор удаах постоо бичиж сууна. Ингээд нэг юм нэг үлгэн салган бичээд байвал дараа нь сэтгэл тархины жолоо алдран самууран явах ахуйд эргэн чиглүүлдэг сайн нигууртай юм байна шүү.
Нээх жолоо эдрээ алдаад хог дээр үсэрцэн юм байхгүй ч гэсэн, мартагнах аяс орчихсон явсныг үгүйсгэх юун.
Товчхондоо бол өмнөх нийтлэлд дурдсан 2013 оны зорилго бүр энэ оны 3 сарын дундуур биелчихсэн. Ажлаа олоод, аикидогийн зэрэгийн шалгалтаа өгөөд үнэмлэхээ авчихсан. Одоо аль хэдийн шинэ газар суурьшаад амьдрах өрөө эдрээ тохижуулаад, ажилдаа яваа амьд арзайж мэнд мэлтийгээд явж байна. Харин тэр тэр их бэлтгэл мэлтгэлийг бол марцөөн марсан. Юу хийхээ мэдэхгүй, яг цав тодорхой биш болохоор ингэдэг лүд юм байх даа.
If you can't describe what you are doing as a process, you don't know what you're doing.
яг энэ ишлэл хөөрхөн тохирчиж байгаа юм. Зиа одоо энэ сүүлийн хагасын хагаст нэг көнкөөн зорилт тавиад оноо дүгнэхэд хэдэн юм кийцээн гээд сууж байх юм хэдийг нэмээд бичье. - Жилийн дараа харьчихсан байна гэхээр тэр үед
A year from now you will wish you had started today.
гээж байж байхгүйгээр яахаа ядаж тодорхой болгоод байжийя да хэхэ.
- Аикидо-гоо тогтмол хийнэ. Шинэ газар ирээд энэ талаар нэмэгдсэн сонинг бичвэл бас сонин байна байх одоо бичих гэхээр залхуу хүрээд байх юм, бичихгүй орхичихоор тэр чигтээ бичихгүй санагдаад байх юм хэхэ.
- Зээлээ 75% төлж барагдуулна. Энэ уул нь төлөвлөгдчихсөн зүйл л дээ. Төлөвлөгөө юм чинь бичээд оруулчихЪя.
- АНУ Зүүн эргээр хөнгөн аялал хийнэ New-York, Boston болон DC, давруул Ниагра, Торонто. ингээд давраад юм нэмээд ирэхээрээ сүүлдээ хийж чадахгүйгээр дуусдаг шүү!
- Байгаа 2,3н Монгол номоо уншиж дуусгана.
зиа энэ ч ер нь кэтэрсэн талдаа явчихсан байж магадгүй. Гэхдээ тэгээд бас нууц хэдэн юм байгаа гэхээр бодит байдал дээр өөрийгөө хэт үнэлээд худлаа баахан зорилго тавьсан байж болох.
Зиа зиа үүгээр өнөөдөртөө болЪё доо.

Жич: Гэнэт юу гэж боддог байснаа саналаа сэдэвтэй хамааралгүй ч гэсэн энд тэндэглэчихье.
Нэг хэсэг блог моодонд орж байх үеэр хүмүүсийн блогоор нэлээн хэсдэг байв аа. Тэгээд гадагшаа сурч ажиллаж байгаа хүмүүс байгаа газрынхаа амьдралын хэв маяг, сонин сайхныг зураг өгүүлэлтэйгээр блогтоо оруулдаг бол түүгээр нь дэлхий ертөнцтэй бага ч болов танилцад гоё байхсан гэж боддог байлаа, тэгээд аягүй бол би хэрэвээ гадагша гарвал тэг бичнэ дээ ч гэж бодож байсан байх. Гэтэл одоо байж байгаа царайг н хар хэхэ :p. за яахав юу гэсэн үүнийг тэмдэглээд авЪя.
За жинхнээсээ өндөрлөе. 2013.08.09

Read more...

2013-08-07

Гол гараачийн жагсаалт

"За тэгж байгаад нэг бичлэг оруулна аа" гээд гол гарсан хэдэн пост байгааг санаж байгаагаараа жагсааж бичих гээд ороод ирлээ шүү дээ. Олон юм бодож цаашаа ургуулаад явчихаасаа өмнө гол юм үлдээе.
За тэхээр миний санаж байгаар би бээр удаах постуудыг бичнэ хэмээн ам гараад эсвэл дотро бодож байгаад гол гараад алга болсон бөлгөө.
- Яаж дэлгэрэнгүй гэдэг холбоостой болгож блогспотыг тохируулах вэ,
- Гадаад сурдаг болон ажилладаг миний уулзсан Монголчууд хэзээ харих талаар юу гэсэн бэ, эхэндээ Япон байсан боловч одоо АНУ болж нэмэгдэв,
- Японы тухай анх очсон сэтгэгдэл болон Япон хүмүүсийн талаар, тухайн үед нь бичсэн бол арай өөрөөр бичигдэх байсан байх,
- MUM буюу Махаришийн Менежментийн Их Сургууль, Компьютерийн Мэргэжилтний Мастерийн Хөтөлбөрийн талаар
- Гадаадад удаан амьдарсан Монголчууд юу гэж хэлэв? АНУ, Мичиган муж Анн Арбор хотод уулзсан хүмүүсийн тухай
- АНУ болон Монгол дахь програмистуудийн ажил ямар ялгаатай вэ, АНУ-д яаж явдаг жишээ, мэдээж нэг компанийн тухайд
- Энэ жилийн зорилгын талаар бичсэн өмнөх нийтлэлтэй холбоотой
зэрэг болой.

Эдгээр сэдвээр нийтлэл оруулна гээд бодсын. Бичээгүй л болохоос хэхэ. Гэхдээ аливаа зүйл ядаж 2 удаа бүтээгдэж байж биелэлээ олдог гэдэг, эхлээд бодолд, дараа нь биет байдлаар. Тийм болохоор жам ёсны зүйл болжуайна аа гэж.

За түр баяртай.

Read more...

2013-01-02

Шинэ оны мэнд, 2013!

Шинэ оны мэнд! 1987 оноос хойшхи анхны бүх орон нь өөр жил гэж он гарах үед л мэдлээ. Хуучин оноо дүгнэж, шинэ оныхоо зорилгыг тодоройлсон жаахан бичлэг хийе гээд ороод ирлээ.
2012 - аятайхан сайхан жил өнгөрлөө, номын дуу сонсохоор хилийн дээс алхаад 2 дахь улсад хөлс тавив. Энэ аялалыг цаг хэмнэх, газар үзэх, зарим нэг нөхцөлт сонголтоор эхлүүлсэн билээ. Ер нь сонин гэвэл шинэ газарын сонин байна даа. Аикидогийн ачаар сургуулийнхнаасаа гадна найзуудтай боллоо, дажгүй өвөө нар бий. Азаар ирсэн газар маань хүмүүсийн хувьд сайхан улсууд байна, энд байгаа Монголчууд нь дажгүй улс болохоор ганцаардах зовлон үзэхгүй сайхан явна өө, за ингээд бичээд байвал гол сэдвээсээ хазайгаад явчиж мэдэх нь. Хамгийн гол нэг юм нь энд үзэж сонсч байгаа номын дуу өмнө нь сонсохыг хүсч байсан зүйлүүд байгаа болохоор сэтгэл их хангалуун байна. Сургууль болон эндэх амьдралын талаар нэг нийтлэл оруулна аа, дараа нь ( Ингэж хэлэх бүрт би өөрийгөө ямар агуу - procrastinator гэдгээ мэдрэх шиг болохын :p ). Товчхондоо энэ жилийн хамгийн том үйл явдал бол удтал хүлээсэн мастэрийн хөтөлбөрт тэнцэж суралцаж байгаа явдал (санхүүгийн тал дээр тусалсан гэрийнхэндээ талархахгүй байхын аргагүй).

2013 - Хамгийн ойрын зорилго урт хугацааны дадлага хийх буюу "ажиллах" дажгүй өөртөө тохирсон газар орох, за ер нь тэгээд сайн санаж явдым болохоор ажил үйлс аяндаа бүтээд цаанаасаа нэг таарсан замаар яваад байдын, бас л тэр жамаараа явна даа. Оны эхний сард аикидогийн 2дахь кюугийн шалгалт өгөхөөр болсон. Монголд байхад багш маань хакама өмсөх(ер нь багшийн үзэмжээр түвшинд нь хүрсэн гэж үзвэл хакама зөвшөөрөл өгдөг, Япон болон Америкт дан авсаны дараа хакама өмсөх эрхтэй болдог )ийг зөвсөөрсөн боловч, хараахан албан ёсны баталгаажуулах сертификат аваагүй байсан юм, Японд судлаач оюутнаар нэг жил болох хугацаанд мөн л хичээллэж байсан боловч зэрэг эдрийн шалгалт өгөөгүй яваад байсан, энэ удаад харин нэг тийм боломж гарсан юмаа, одоогийн дожо маань US Aikido Federation-ы харьяа гэж явдаг, багш нь 5н дантай 60 гарсан гэхэд бас л мундаг аикидочин хүн бий. Монгол дахь дожогийн уг үндэс нь бол Ниппон Каны Аикидо (Nippon Kan Aikido) АНУ, Колорадо мужийн Дэнвэр хотод байдаг, Гаку Хома гэж багшийн үндэслэсэн дожогоос эхтэй, аикигийн маань багш Болд, Ганзориг багш нар 2уулаа Хома багшийн шавь нар. Аикидо бол аикидо юм болохоор дуртайд нугасгүй гэдэг шиг хаана боломж байна тэнд бага сага юм сураал явжийна. за энэ сэдвийг ингээд зогсохгүй бол бас л хадуурах нь байна.
Яг үнэндээ яг таг хэлчих зорилго бол алга аа, нээх олон юм жагсаачихаар бүгий нь хийхгүй бол санаа амрахгүй, дараа нь хийж амжаагүй зүйлсдээ урам хугараад өөрийгөө зовоогоод байдын. Тиймээс яг таг төлөвлөгөө энэ онд бол алга өө. Илүүтэйгээр их зорилгын урьтатгал, бэлтгэл жил болно л гэж бодож байна, эртхэн харихын тулд эртхэн сургуулиа дүүргэх хэрэгтэй, хурдан дүүргэхийн тулд аль болох эрт хөтөлбөрийнхөө зээлийг төлнө, тэрний тулд дажгүй тохирсон цалин, нөхцөлтэй IT компанид энд ажилд орно.
Зарим нэг эхлэх зүйлүүд байгаа тэдгээрийг аяндаа эхлэхийг бодно оо(уул нь тэрийгээ дэлгэрэнгүй зорилгодоо бичих ёстой байсан байх нь байшд гхгхгх) За тэгээд энэ онд эрүүл мэндээ бодоод, мэддэг чаддагаа улам сайжруулаад, зэрэг дэв, туршлагаа арвижуулаад хариад будаа болгохдоо бэлдээд дуусгана даа.

Та бүхэнд шинэ ондоо эрүүл саруул байж, инээд хөөр, адал явдал дүүрэн, зорилгодоо хүрэх зам нь ухаан, эдийн их өгөөжтэй байхыг хүсье!

Надмидын Гантулга :)

Read more...

2011-12-16

Нийтэд нээлттэй миний тэмдэглэл

Миний блогийн (асуулт самбарынх ч мөн адил) ихэнх бичлэгүүд голдуу тэмдэглэлийн чанартай буюу миний өөрийн амьдрал, цаашид бодож төлөвлөж байгаа зүйлс гэх мэт хэт хувийн чанартай мэдээллүүдийг багтаасан байгааг анзаарав. Нээх их юм биччихсэн хүн шиг сүржин "уншигдаж" байж магадгүй л дээ. Хэлэх илэрхийлэх гэснээ өөрийн амьдралаар ч юм уу, нээлттэй байдлаар илэрхийлэх дээр санагдсан болохоор ийм байсан байх.
Гэтэл, тэмдэглэл хөтлөх нь өөрийгөө тольдох, хугацааны агшинд яаж хариулж ямар мэдрэмж төрж байгаа зэргээ ажихад туслах боловч энэ нь ингэж нийтэд нээлттэй байж долоон булчирхайгаа тоочих нь тийм ч сайн санаа биш шиг ээ.
За ямарч байсан бичдэггүй дээрээ нэмээд зарим бичиж болох сэдвүүдийг өнөөдрөөс эхлэн хааваа хө.

Read more...