2007-03-26

Блог блог блог...

Сайн байцгаана уу, өөрийн блогтоо анхны бичлэгээ нэмэх ийм нэгэн өдөр ингээд ирдгийм байжээ.
Анх энэ блог гээчийн талаар Хосоогоос (бодрол гэж сайтын тухай ярьж байсан байхаа) хоёр жил орчмын өмнө сонсож байсан санагджийна. Тэр үед сонсоод л өнгөрснөөс биш, яг ямар амттай, яадаг эд болохыг нь сайн ойлгож анзаараагүй явж.
Өнгөрсөн семистерт манайд "Мэдээллийн системийн үндэс" гэж хичээлийг Интэк компанийн захирал хатагтай Л.Ариунаа багш орсон юм. Багш маань ясны IT-н салбарын хүн, эрч хүчтэй, гялалзсан эмэгтэй. Багш маань хичээлийн цаг дээрээ IT-н чиглэлээр үйл ажиллагаа явуулдаг зарим компанийн захирал, мэргэжилтнүүдийг авчирч уулзуулъя гэхэд бид ч дуртай байв. Хамгийн анхны зочин USI компанийн захирал ноён Буянцогтоо байлаа. Буянцогтоо захирал тэр үед бидэнд outsourcing (offshoring), "Дэлхий хавтгай болж байна" номын талаар болон web2.0, blog-н талаар товчхон ярьж өгсөн юм. Захирал өөрсдийн блог-ийн хаягийг өгч (buyantsogtoo.blogspot.com, gobigobi.blogspot.com), биднийг бүгдийг нь блогтой болохыг уриалж билээ.
Тэр үеэс хойш нэт орохоороо хааяа нэг блог уншдаг болж, одоо бүр өөрөө бичээд сууж байна хэхэ. Ер нь блог хэсч явахад хэрэгтэй бичлэгүүд их олдоно шүү.
Өмнө нь блог бичих гээд нэг л болож өгөхгүй яваад байсын, яг бичих гэхээр "за дараа болъё" гээд хойшлуулчихна, заримдаа янз янзын юмны талаар бичмээр санагдана, гоё гоё санаа орж ирнэ... гэхчилэн явсаар нэг өнөөдөр нэг анхныхаа бичлэгийг бичих шив дээ. за тэгээд цаашдаа тогтмол үзэл бодлоо илэрхийлж бичиж байхыг хичээнэ дээ.
Бас өөрийгөө илэрхийлж бичнэ гэдэг амаргүй бололтой, анхны блог юм болохоор утга, найруулга жаахан тийм байж магадгүй, гэхдээ яахав хэд бичээд ирэхээр болох байгаа.
Анхны бичлэгээ нэмж буйдаа баяртай байнаа, гэж...

Read more...